BIBLIOTECA DE CADRECHE

LECTURA DE INGLÉS PARA ADULTOS

2012-01-19T03:50:00.000-08:00

Aquí podedes ver os libros que están á vosa disposición en lingua inglesa. Se pulsas na imaxe poderás vela a maior tamaño.

POEMAS DO MAR

2012-01-18T07:33:00.001-08:00

POEMAS DO MAR on Prezi

XORNADA DE FORMACIÓN DE USUARIOS

2011-12-27T02:28:00.000-08:00

O alumnado do centro acudiu á biblioteca para a realización dunha sesión de formación en usuarios. Repartíronselle os seguintes trípticos e explicouse funcionamento, nova colocación, normas,...

DÍA DOS DEREITOS HUMANOS

2011-12-11T13:58:00.000-08:00

63 anos despois da súa proclamación, segue sendo necesario lembrar esta data, 10 de decembro, na que a Asamblea Xeral das Nacións Unidas aprobou a Declaración dos Dereitos Humanos.

Necesario porque nin tan sequera nos países que asinaron esta declaración están garantidos estes dereitos en igualdade de condicións para toda a poboación. Non hai máis que botar unha ollada ao noso arredor, asomarse ás noticias.

Mais aínda así cabe pensar que un outro mundo é posible, que hai arrecendos espallados no ar que nos permiten prender unha candea pola esperanza, por estas xeracións, hoxe nen@s, adolescentes, que medran nas nosas aulas, ao abeiro das nosas Bibliotecas -das súas lecturas, da súa información, da súa formación- nen@s e adolescentes que se implican ilusionad@s e con empeño en proxectos coma "Coñecernos para querernos", nun intercambio persoal e de coñecementos con nen@s dos campamentos saharahuis, para quenes a apertura dunha biblioteca con (o Bubisher) ou sen (O Niño do Bubi) rodas, supón moito máis que un mundo de oportunidades. Para acceder á ilusión, aos soños, á formación, ao coñecemento doutras culturas, doutro idioma.

E con esa candea acesa, brincan faíscas que prenden en case un cento de Bibliotecas Escolares Galegas, que por todo o país escollen cada unha un fermoso álbum ilustrado para agasallar a ese recén estreado Niño do Bubi, porque, coma nas nosas propias Bibliotecas, toda inauguración é unha festa. A esa festa que é a lectura, nesas bibliotecas acubilladas na area, queremos enviar estes álbumes como aves portadoras de boa sorte, como bubishers* cheos de cor, imaxes, historias. Porque as nosas bibliotecas, @s nos@s lectores e lectoras, compartimos co Bubisher, cos lectores e lectoras das súas bibliotecas a crenza firme nos Dereitos Humanos, dende o seu 1º artigo: Tod@s nascemos libres e iguais en dignidade e dereitos

* O bubisher (Oenanthe leucopyga e Oenanthe leucura) é un paxariño tímido que vive na Península e tamén en África, aquí chamámoslle collalba negra e no Sáhara o seu nome significa paxaro da boa sorte, no dialecto hassaní é Bubchir بوبشير (o da boa nova) porque adoita aniñar e criar despois das choivas, o que quer dicer que medrará a herba, algo moi importante para quen ten gando.

Bubisher é tamén o nome dun autobús-biblioteca que circula entre os campamentos do Sáhara para levar lectura e información. Ou sexa, unha biblio... pero con rodas!!!

Se queredes unirvos á iniciativa de Álbumes para o Bubisher, só tedes que poñer os vosos datos xunto ao resto das Bibes Galegas.

Música e DDHH

Texto de Maribel Serantes (CEIP Os Casais)

Imaxe atopada aquí

MURAL

2011-12-09T07:23:00.000-08:00

Os peixes do mural, feitos polo alumnado, tiñan unha foto da cara do alumno/a que o pintou. Nenas e nenos disfrutaron buscando o peixe feito por eles no gran mural.

ÁLBUMS DA BIBLIOTECA

2011-12-09T07:20:00.000-08:00

Á saída da presentación, o alumnado recibiu os álbums da biblioteca deste curso, co primeiro adhesivo e un marcapáxinas conmemorativo.

ENTREGA DE CARNÉS

2011-12-09T07:18:00.000-08:00

Durante a presentación, fíxose entrega dos carnés da Biblioteca ao novo alumnado e profesorado do centro.

PRESENTACIÓN DO PROXECTO

2011-12-09T07:12:00.000-08:00

O alumnado do centro acudiu á Biblioteca. Alí visionaron unha presentación sobre o mar (paisaxes, deportes, animais, faros, ocio,...) e outra sobre fermosas praias con areas de distintas cores.

UN MAR DE HISTORIAS, HISTORIAS DE MAR

2011-12-09T07:08:00.000-08:00

Presentamos o proxecto anual: "Un mar de historias, historias de mar". Fíxose un gran mural no exterior da Biblioteca e púxose o expositor no corredor.

LIBRO DE VISITAS

2011-06-15T10:21:00.000-07:00

Trala visita, Gloria Sánchez asinou no libro de visitas.

ENCONTROS COA AUTORA GLORIA SÁNCHEZ

2011-06-06T14:36:00.000-07:00

O alumnado do centro leu libros seus. Trala lectura realizáronse traballos plásticos e murais. Tamén se fixo unha exposición da súa obra e un mural coa biografía e bibliografía. O xoves 2 de xuño recibimos a súa visita. Tivo dúas charlas, onde fascinou ao alumnado coas historias de cando ela era pequena. Tralas charlas, asinou exemplares dos seus libros. Para rematar a xornada, destapou a placa que dá o seu nome a un andel da biblioteca. GRAZAS, GLORIA!

ADIVIÑAS DE ANIMAIS

2011-06-06T14:26:00.000-07:00

Para preparar a visita da escritora Gloria Sánchez fíxose un mural con adiviñas dun libro seu, e as correspondentes ilustracións. O alumnado, por clases, foi pasando a ler e solucionar as adiviñas.

EU TGHOPEZO NO EGHE, ¿E QUE?

2011-05-20T07:05:00.000-07:00

Tralo visionado do videoconto, o alumnado realizou actividades LIM nos ordenadores e na pizarra dixital.

ACTIVIDADES JAVACLIC-LIM

2011-05-18T08:22:00.000-07:00

As actividades elaboradas ao longo do curso foron subidas á aula virtual do centro. VER AS ACTIVIDADES

ACTIVIDADES ESCRITAS DE KOFU

2011-04-28T14:41:00.000-07:00

Trala lectura do libro Kofu, o neno de chocolate, realizáronse actividades escritas que o alumnado levoa a cabo. VER AS ACTIVIDADES

PERSONAXES DO PROXECTO

2011-04-26T01:39:00.000-07:00

O alumnado realizou ilustracións dos personaxes dos distintos libros traballados, que foi pegando no mural colectivo.

NOMES DE RÚAS E PRAZAS

2011-04-16T15:43:00.000-07:00

Alumnado do 3º ciclo buscou no rueiro de A Pobra, rúas e prazas con nomes de escritores, facendo unha lista. Tras isto, houbo unha charla sobre os motivos que leva a unha corporación municipal a poñer nomes de escritores/as as rúas. Isto dá idea da importancia dos escritores e da súa obra: os libros.

DÍA DO LIBRO

2011-04-16T15:34:00.000-07:00

Inspirada nun libro visto no Salón do Libro de Pontevedra, unha alumna de 6º (Eva Martínez) elaborou este libro, que pasa aos fondos da biblioteca.

OS SOÑOS NA GAIOLA

2011-04-07T08:09:00.000-07:00

Catro alumnos e alumnas recitan poemas de Manuel María, do seu libro Os soños na gaiola.

BICOS de GARCÍA TEIJEIRO

2011-04-07T08:02:00.000-07:00

Alumnado de 5º recitou varios poemas de García Teijeiro, coa temática BICOS.

POEMAS DO PATIO

2011-04-07T07:54:00.000-07:00

Alumnado de cuarto recita poemas de autores que teñen mural no patio do colexio. O último poema é de Lois Pereiro, autor que terá en breve o seu mural.

CORRE, SEBASTIÁN, CORRE!

2011-04-04T04:22:00.000-07:00

O alumnado veu o videoconto, tralo que realizou actividades nos ordenadores e na pizarra dixital.

OBXECTOS POÉTICOS

2011-04-04T03:37:00.000-07:00

O alumnado do centro escribeu poemas sobre obxectos. Algúns dos poemas eran inventados polo propio alumnado e outros eran de autores galegos. Esta fantástica idea é do CEIP de Aguiño.

EU ESTOU GORDECHO, ¿E QUE?

2011-03-30T14:35:00.000-07:00

O alumnado visionou o conto e realizou actividades javaclic na pizarra dixital e nos ordenadores.

DÍA MUNDIAL DA POESÍA, 2011

2011-03-29T14:11:00.000-07:00

Alumnado de 5º recitou poemas do mar do libro ¿Quen vive aquí? de Ana Mª Fernández.

DÍA MUNDIAL DA POESÍA

2011-03-27T14:49:00.000-07:00

Alumnado de 5º recitou poemas dos autores que dan nome as aulas do centro: Añón, Cabanillas, Manuel Antonio e Rosalía de Castro. Aquí podedes ver o vídeo.

KOFU, O NENO DE CHOCOLATE

2011-03-09T14:46:00.000-08:00

Proxectouse o videoconto e realizaron actividades javaclic nos ordenadores e na pizarra dixital.

EXPOSICIÓN LIBROS DE TEMÁTICA PACIFISTA

2011-02-19T09:59:00.000-08:00

Ao lado da Biblioteca fíxose unha exposición con libros de temática pacifista existentes na mesma. O alumnado dos distintos cursos acudiu a visitala.

MURAL DA PORTA DA BIBLIOTECA

2011-02-15T08:39:00.000-08:00

Elaborouse un mural para a porta de entrada da Biblioteca, co lema que se traballa este curso: Todos/as iguais, todos/as diferentes.

EU VIVO EN DÚAS CASAS, E QUE?

2011-02-15T08:33:00.000-08:00

O alumnado asistiu ao visionado do videoconto. Despois realizaron unha actividade javaclic nos ordenadores. Por quendas, o alumnado foi saíndo á pizarra dixital a traballar.

SESIÓN DE CONTACONTOS

2011-02-15T08:22:00.000-08:00

O alumnado do 1º ciclo asistiu a unha sesión de contacontos na Biblioteca, que estivo amenizada con música. O alumnado ficou engaiolado pola música e as historias.

MIÑA IRMÁ TEN SÍNDROME DE DOWN, E QUE?

2011-02-11T08:24:00.000-08:00

Primeiro realizouse a proxección do videoconto. Despois o alumnado realizou actividades javaclic nos ordenadores e na pizarra dixital.

COLORES QUE SE AMAN

2011-02-11T08:11:00.000-08:00

O alumnado veu o videoconto. Unha tenra historia vista desde os ollos dun neno de 5 anos.

EU SON ADOPTADA. E QUE?

2010-12-26T13:45:00.000-08:00

O alumnado traballo no mes de decembro este libro. Primeiro visionaron un videoconto feito sobre o libro, para posteriormente realizar actividades javaclic na pizarra dixital e no encerado.

MURAL COLECTIVO

2010-12-23T15:11:00.000-08:00

Colocouse un mural na entrada da Biblioteca. Nel iranse pegando ilustracións feitas polo alumnado, sobre os distintos libros traballados.

NARIZ DE OURO

2010-11-15T13:52:00.000-08:00

Actividade para o 1º e 2º ciclo. Asistiron á videoproxección do conto, para posteriormente realizar as actividades LIM elaboradas.

RANILDA

2010-11-15T13:48:00.000-08:00

Esta actividade estaba destinada ao alumnado do 2º ciclo. Fíxose unha videoproxección do conto. A continuación o alumnado realizou a actividade LIM preparada no encerado dixital e nos ordenadores.

YARED E A SÚA NOVA FAMILIA

2010-11-05T09:08:00.000-07:00

Proxectouse o videoconto e a continuación fixeron as actividades nos ordenadores e na pizarra dixital.

NENAS E NENOS DE TODO O MUNDO

2010-11-05T08:50:00.000-07:00

Proxectouse o videoconto e despois fixeron actividades na pizarra dixital e nos ordenadores.

MARÍA NON É DE AQUÍ

2010-11-05T08:46:00.000-07:00

O alumnado do centro veu a presentación do conto do mesmo título. Tras iso fixo actividades javaclic na pizarra dixital e nos seus ordenadores.

ENTREGA DO ÁLBUM DO 2010/11

2010-11-03T15:36:00.000-07:00

Entregáronse os álbums de adhesivos ao alumnado. Aquí podemos ver a entrega dos mesmos ao 1º ciclo. Non te esquezas de usar a biblioteca e recoller os adhesivos quincenais para completar o teu álbum.

ENTREGA DE CARNET AO ALUMNADO DE 1º

2010-11-03T15:29:00.000-07:00

Fíxose entrega ao alumnado do 1º curso dos carnés da biblioteca. Aproveitouse para agasallar ao alumnado cuns lapis coa imaxe de Lecturiñas.

EU NON SON LOIRA, ¿E QUE?

2010-10-14T14:46:00.000-07:00

Aquí podemos ver imaxes do desenrolo da actividade: proxección do videoconto, actividades javaclic nos ordenadores e na pizarra dixital.

OUTUBRO: CORES DIFERENTES

2010-10-14T14:36:00.000-07:00

Durante outubro trabállanse as diferentes razas e cores, mediante 6 libros. Con eles elaboráronse videocontos, así como 4 actividades javaclic (dúas para os primeiros cursos e outras dúas para os máis grandes do colexio).

As actividades pódense realizar entrando como convidados na aula virtual da páxina web do noso centro. PULSA NA IMAXE PARA VER ACTIVIDADES

NOVO CURSO, NOVO PROXECTO

2010-10-14T14:14:00.000-07:00

Este curso 2010-2011, trataremos o tema da educación en valores. Baixo o lema "Tod@s diferentes, tod@s iguais" o alumnado terá ocasión de reflexionar sobre outras razas e culturas, outras situacións persoais e familiares,...

ADICATORIA NO LIBRO DE VISITAS

2010-05-21T07:23:00.000-07:00

Trala xornada de festa, Neira Cruz deixou unha adicatoria no libro de visitas, que gardaremos con moito cariño.

ANDEL DE NEIRA CRUZ

2010-05-21T07:18:00.000-07:00

Tralas charlas, Neira Cruz procedeu a destapar a placa que daba o seu nome a un andel da biblioteca. El comprometeuse a facernos chegar exemplares dos próximos títulos que publique. Por isto e, sobre todo, por agasallarnos cun estupendo día, dende o centro queremos darlle as grazas.

CHARLA DE NEIRA CRUZ

2010-05-21T06:53:00.000-07:00

O xoves 19 de maio, o estupendo escritor Xosé A. Neira Cruz estivo todo o día no noso centro, mantendo dúas charlas co alumnado. Á charla do alumnado do 3º ciclo estaban convidadas as familias. Previamente o alumnado lera obras súas: Mambrú, cociñeiro de perfumes, Melanio e os paxaros e Ó outro lado do sumidoiro.

MURAL A MEMORIA DAS ÁRBORES

2010-05-20T03:12:00.000-07:00

Previo á visita do escritor Xosé A. Neira Cruz, o alumnado do centro elaborou un gran mural sobre unha das súas obras: A memoria das árbores. Aquí podedes ver algunhas imaxes.

VISITOUNOS XOSÉ A. NEIRA CRUZ

2010-05-20T01:41:00.000-07:00

Para preparar a visita de Neira Cruz fixéronse crebacabezas, paxariñas de papel... e un mural onde aparecía a vida, obra e premios do autor. Tamén houbo unha parcarta de benvida feita pola aula de 3º.

MONUMENTOS DA POBRA, CON LECTURIÑAS

2010-05-14T13:45:00.000-07:00

Lecturiñas ensínanos algúns monumentos da Pobra, e cóntanos algo deles. Así seremos quen de darlles o valor que realmente teñen a distintos edificios do noso concello.

DÍA INTERNACIONAL DO LIBRO

2010-04-25T11:30:00.001-07:00

O alumnado do 1º ciclo disfrutou dunha sesión de contacontos na Biblioteca do Centro. Dous contos de OQO Editora, O Papón e Corre corre, cabaciña, foron pasados a formato dixital coa axuda do programa Fotos Narradas. O alumnado tamén cantou as cancións que veñen en karaoke no libro Contos en Cantos sobre ámbolos contos.

COLOREA BAT PAT

2010-04-21T00:44:00.000-07:00

DÍA INTERNACIONAL DO LIBRO

2010-04-16T07:40:00.000-07:00

Con motivo do Día Internacional do Libro, o vindeiro día 23, procederemos á presentación doutra colección de libros. Dado que estamos a tratar este curso na Biblioteca o tema do terror (Ímolo pasar de medo), traemos uns libros cun protagonista terrorífico: Bat Pat.

NOVA COLECCIÓN: WITCH

2010-04-16T07:32:00.000-07:00

Contamos cunha nova colección. Dende hoxe podedes atopar na Biblioteca ás vosas amigas, as Witch. Ven a coñecelas. Na súa compaña pasarás momentos inolvidables!

NOVOS EXEMPLARES DE GERONIMO STILTON

2010-04-15T07:18:00.000-07:00

A biblioteca segue a ampliar os seus fondos cos últimos exemplares do noso amigo Stilton. Máis aventuras divertidas para podermos disfrutar.

DÍA INTERNACIONAL DO LIBRO

2010-04-12T07:48:00.001-07:00

Para o Día Internacional do Libro, elaborouse unha sinxela webquest, pensada para o 2º e 3º ciclos de primaria. Á parte hai unha ficha para contestar as preguntas.

DÍA DA MULLER TRABALLADORA

2010-03-01T15:03:00.000-08:00

Para o 8 de marzo, Día da Muller Traballadora, entre o Equipo de Biblioteca e o de Normalización Lingüística, elaboraron unha presentación onde aparecen 6 mulleres de tempos pasados que destacaron nos seus tempos, así como outras 5 que o están a facer agora, grazas ao seu traballo e forza de vontade.

DÍA DA PAZ

2010-02-18T08:15:00.000-08:00

No Día da Paz realizáronse actividades TIC na aula de informática. Ademais, elaborouse un mural con mensaxes de tódolos nenos e nenas do colexio.

DEREITOS DA INFANCIA

2010-02-18T08:12:00.000-08:00

Para celebrar o Día Internacional dos Dereitos da Infancia, tras traballar nas aulas elaborouse un mural, que se colocou nos corredores do centro.

SESIÓN DE CONTACONTOS

2010-02-18T07:15:00.000-08:00

O alumnado de 1º e 2º ciclo tivo unha animada sesión de contacontos. A parella de contacontos, coa axuda de instrumentos musicais, adentrou aos pequenos e pequenas nun mundo de fantasía e imaxinación.

PRESENTACIÓN DE NOVIDADES

2010-02-03T01:47:00.000-08:00

Á entrada da Biblioteca está o andel coas novidades. Para atraer a atención dos usuarios/as ponse unha ilustración grande con algún personaxe dos libros presentados.

PANEL DE SUXERENCIAS

2010-02-03T01:43:00.000-08:00

No taboleiro o alumnado pode deixar as suxerencias sobre os libros que lle gustaría que o centro mercase, que pegatinas facer,... ou calquera outra, ás que se atenderá na medida do posible.

PANEL DE NORMAS

2010-02-03T01:15:00.000-08:00

No taboleiro da Biblioteca púxose un cartel para recordárllelas normas aos usuarios/as.

SERES MÍTICOS GALEGOS

2010-01-10T14:48:00.000-08:00

Dentro da camapaña Ímolo pasar de medo, vamos a ver algúns seres galegos relacionados co medo dos cativos, e mesmo dos non tan cativos.

NOVA IMAXE DE LECTURIÑAS

2009-12-14T07:33:00.001-08:00

Temos nova imaxe de Lecturiñas. Grazas á colaboración dun ex-alumno, Daniel Cerecedo Bretal. Velaquí o tedes, convertido nun deportista. Unha obra fermosa, a que si! GRAZAS, DANIEL!

ACTIVIDADE EDLIM SOBRE FROITOS DO OUTONO

2009-12-14T07:22:00.000-08:00

Actividade para realizar despois de lidas as explicacións. Ten dous niveis de dificultade: cursos baixos e cursos altos.

FROITOS DO OUTONO

2009-11-13T14:26:00.001-08:00

Fixemos uns cartaces sobre froitos do outono, onde se recolle información sobre eles.

Froitos Outono

View more presentations from Fiz.

CELEBRAMOS O SAMAÍN

2009-11-10T13:28:00.000-08:00

En vésperas do Samaín, celebrámolo na Biblioteca. En horario nocturno, acendéronse cabazas con candeas; un druída oficiou un ritual para espantar os perigos da celebración. Tras isto, degustamos terroríficos manxares e bebedizos. No seguinte vídeo veredes imaxes, coa música de MamáCabra de fondo.

CAMPAÑA "ÍMOLO PASAR DE MEDO"

2009-10-24T07:51:00.000-07:00

Coincidindo co Día das Bibliotecas (24-outubro), presentamos a campaña Ímolo pasar de medo, que levaremos a termo ao longo do presente curso escolar. Preséntase nunha Biblioteca adornada para o evento (morcegos, serpes, caveiras, esqueletos, arañas,...). Trala motivación inicial Que lle pasa a Lecturiñas?, descubrimos que se está a converter nun vampiro, por iso tiña mala cara. Dáselle o carnet da Biblioteca a todo o alumnado e profesorado. Alumnado de 6º e a profesora Teresa foron os encargados da posta en escea.

XA TEMOS NOVO ÁLBUM DE PEGATINAS

2009-10-14T02:01:00.000-07:00

Pasa pola Biblioteca a coller un libro prestado e faite co álbum de pegatinas deste curso escolar.

INFORMACIÓN A USUARI@S

2009-10-14T01:54:00.000-07:00

QUÉ LLE PASA A LECTURIÑAS?

2009-10-14T01:27:00.000-07:00

Algún problema ten Lecturiñas, que ten moi mala cara. Sabes ti o que ten? Axúdanos a encontrar o seu problema e a solución aos seus males.

BENVID@S!

2009-09-30T14:25:00.000-07:00

DÍA DO LIBRO

2009-05-10T10:35:00.001-07:00

Para o Día do Libro, o centro decidiu colaborar coa campaña da ONG Save the children de completar uns marcapáxinas. Na parte de diante tiñan frases e imaxes de recoñecidos escritores/as. Tras completar a parte de atrás con debuxos propios, ofreceríanllos a familiares a cambio dun donativo. Este ía destinado a libros para nen@s do terceiro mundo.

SESIÓN DE CONTACONTOS

2009-05-05T14:46:00.000-07:00

O alumnado disfrutou dunha sesión de contacontos grazas ao Consorcio Editorial. A sesión realizouse no salón de usos múltiples.

VISITA DE AN ALFAYA

2009-05-02T04:45:00.000-07:00

O luns, 4 de maio visitounos a escritora An Alfaya. Estivo no centro durante toda a mañán, falando co alumnado. Previamente o alumnado leu obras súas:

Vacas na cidade? - 1º ciclo

A encontarora - 2º ciclo

Sireno, sireno - 3º ciclo

Fíxose un mural coa vida e obra, unha exposición das súas obras, traballos manuais e escritos a partires das súas obras,...

LIBRO DE SERPES

2009-04-30T14:24:00.000-07:00

O alumnado do segundo ciclo confeccionou uns libros de serpes, trala lectura do libro de An Alfaya A encontadora.

DEBUXAMOS A LECTURIÑAS

2009-04-30T08:50:00.000-07:00

O alumnado debuxou a mascota da Biblioteca. Aquí podedes ver algúns dos resultados. Todos uns artistas!

VISITA BIBLIOTECA PÚBLICA

2009-04-30T08:12:00.000-07:00

O alumnado do 6º nivel acudiu á Biblioteca Pública de A Pobra para coñecer de cerca a variedade e cantidade de fondos existentes, o seu funcionamento, así como as posibilidades que presenta o programa Meiga para o usuario. Foi unha charla moi amena e interesante. Dar as grazas a Xosé Carlos, o bibliotecario, que nos atendeu moi amablemente.

MURAL E FOTOS DOS BOLECHAS

2009-04-29T14:28:00.000-07:00

Fíxose un mural co debuxo dos Bolechas, uns personaxes moi queridos polos máis pequenos do centro. A continuación recortouse unha das caras e realizáronse fotos de todo o alumnado do centro, que se dará ao alumnado.

PRESENTACIÓN DA NOVA COLECCIÓN DE GERÓNIMO STILTON

2009-04-29T10:29:00.000-07:00

Compra da colección de Geronimo Stilton (38 libros en total) para o segundo e terceiro ciclo. Estes libros foron introducidos aos nenos creando expectativas e buscando a motivación grazas á curiosidade. Logo preparouse un “stand” cos fondos, pegatinas do personaxe e os nenos fixeron carnets de xerónimo adictos.

CREACIÓN DE NOVOS ESPAZOS

2009-04-28T15:15:00.000-07:00

Adecúanse dentro da biblioteca espazos para crear os currunchos dos xogos e de inglés.

MELLORA DA BIBLIOTECA

2009-04-28T15:03:00.000-07:00

Mellora na decoración da biblioteca con estores que ademais serven para que os libros non se deterioren coa luz.

MOCHILAS VIAXEIRAS

2009-04-28T14:46:00.000-07:00

Permite acercar aos nenos os novos títulos e coleccións da biblioteca. Lévase á clase ou clases nas que se considere pertinente a lectura dos títulos a presentar, ponse unha nota informativa ao respecto dos títulos (firmada por Lecturiñas) e permítese que sexa o titor o que presente as obras aos nenos.

Tamén entra a posibilidade de mandar agasallos dentro da mochila que fagan referencia á biblioteca ou personaxe relevante. Déronse lapis con colgante de Lecturiñas, marcapáxinas,...

DÍA DA PAZ

2009-04-24T08:54:00.000-07:00

Con motivo do Día da Paz 2009 organizouse unha exposición de libros de temática pacifista existentes na biblioteca.

PREMIO NACIONAL DE LITERATURA

2009-04-24T08:51:00.000-07:00

Con motivo do premio otorgado a Agustín Fernández Paz, colocouse unha mesa e un panel informando, expuxéronse os libros do autor que hai na biblioteca, e mesmo se realizou un concurso para coñecer outros autores/as galegos galardoados con este importante premio.

PANEIS INFORMATIVOS

2009-04-24T08:46:00.000-07:00

Na biblioteca hai carteis que informan de que libros son adecuados para que idades, onde se poden atopar as diferentes clases de libros (primeiros lectores, lectores avanzados, consulta, dicionarios, enciclopedias, atlas, natureza, poesía,...)

MESA EXPOSITOR DE NOVIDADES

2009-04-24T08:38:00.000-07:00

Á entrada da biblioteca, situouse unha mesa-expositor, onden se colocan as novidades: libros, DVDs,...

NOME PARA A MASCOTA

2009-04-24T08:35:00.001-07:00

MARCAPÁXINAS COA MASCOTA

2009-04-24T08:11:00.000-07:00

Coa mascota da biblioteca confeccionáronse marcapáxinas. O alumnado decórao e ponlle o seu nome. Tras isto plastifícase.

MURAL INFORMATIVO

2009-04-24T08:08:00.000-07:00

No exterior da biblioteca, nun lugar visible polo alumnado na subida ás aulas, está este mural onde se informa das distintas exposicións, novidades,... tentando chamar a atención de nenas e nenos.

ÁLBUM DE PEGATINAS

2009-04-24T07:38:00.000-07:00

Elaborouse un álbum en cartolina, para que o alumnado poidese colocar as pegatinas que obtiñan na bilioteca. Isto motiva a nenas e nenos a adentrarse na lectura.

PEGATINAS

2009-04-24T07:30:00.000-07:00

Deseñáronse pegatinas en cores cos debuxos de personaxes dos libros ( Bolechas, Disney, Geronimo Stilton, superheroes,...). Cada nen@ recibe unha cando leva un libro para ler na casa.